Զինվորն ինքնասպանություն էր գործել հենց շարահրապարակում. մանրամասներ

2021թ. մայիսի 24-ին՝ ժամը 17:45-ի սահմաններում, ՀՀ ՊՆ N զորամասի շարահրապարակում, պարտադիր ժամկետային զինծառայող Մկրտիչ Հովհաննեսի Հովհաննիսյանն իրեն ամրակցված «ԱԿՄ» տեսակի ինքնաձիգից կրակոց է արձակել իր գլխի շրջանում, որի հետևանքով ստացել է մահացու հրազենային վնասվածք, տեղեկացնում են ՀՀ Քննչական կոմիտեից։

Դեպքի առթիվ ՀՀ քննչական կոմիտեի զինվորական քննչական գլխավոր վարչության ութերորդ կայազորային քննչական բաժնում ՀՀ քրեական օրենսգրքի 360.1-րդ հոդվածի 1-ին մասով (Զինծառայողին անզգուշությամբ ինքնասպանության հասցնելը) հարուցվել է քրեական գործ և կատարվում է նախաքննություն:

Ձեռնարկվում են անհրաժեշտ քննչական և դատավարական այլ գործողություններ՝ դեպքի բազմակողմանի, լրիվ  և օբյեկտիվ հետազոտումն ապահովելու համար: Ավելի վաղ ՊՆ-ն տեղեկացրել էր, որ նախնական տվյալներով, զինվորի մահը վրա է հասել զենքի հետ անզգուշաբար վերաբերվելուց։

Աղբյուրը https://www.usanogh.am/glxavor/zinvor-inqnaspanutyun/?fbclid=IwAR0ViWWTvKFKih4nlvxCWUCm70zFXPUcLYUh2AEgB1UIE6Y958TSOoHXR8A

Leave a Reply

Your email address will not be published. Required fields are marked *