ԽՈ զնшվ шրի գյո ւղապե տը քիչ առшջ հայ տшրшր ութ յուն տա րшծեց․ Ինչ է կա տшրվ ում առш ջնшգծում

Խոզնավարի գյուղապետը հայտարարություն տարածեց, ինչ է կատարվում առաջնագծում․ Թշնամին Սյունիքի մարզի Սև լճի տարածքում ճանապարհներ է կառուցում այն հատվածում, որտեղ մայիսի 12-ից առաջ է եկել։ Ըստ շրջանառվող լուրերի, թշնամին հենց առաջ եկած հատվածում ծանր տեխնիկա է բերել և լծվել հսկայական ճանապարհներ ու դիրքեր կառուցելու գործին։

168.am-ի հետ զրույցում Սյունիքի մարզի Խոզնավար գյուղի ղեկավար Վարո Գրիգորյանն ասաց, որ վերջին շրջանում Սև լճի տարածք չի բարձրացել և անձամբ չի տեսել, թե ինչ է այնտեղ կատարվում, սակայն իրեն լուրեր են հասել, որ թշնամին այդ տարածքում շինարարություն է անում։

«Ադրբեջանցիները ճանապարհներ են սարքում, խրամատներ փորում, խոսակցություններ ենք լսում, որ Սև լճի տարածքում շենք են սարքում՝ ձմեռելու համար։ Դե, ես այնտեղ չեմ բարձրացել, չեմ տեսել, ասել են։ Առանց այդ շինությունների էլ, մենք վտանգի մեջ ենք, չորս կողմից իրենք են կանգնած, եթե կանգնած են, ուրեմն դա մեզ համար վտանգ է։ Կոնկրետ գյուղի ուղղությամբ վերջին շրջանում թշնամին սադրանքի չի դիմում, իսկ Սև լճի տարածքում՝ չգիտեմ»,

— նշեց Խոզնավարի գյուղապետը։ Նրա խոսքով, այսօր Սևի լճի այն տարածքում, որտեղ թշնամին է կանգնած՝ արդեն տարածքային խախտումներ են եղել, իրենց տարածքից խրամատներ փորելով եկել-հասել են ՀՀ տարածք։ «Մի 25-30 հեկտար վարելահող, թշնամին ասում է՝ իրենցն է, դրանցից որևէ մեկը չի կարողանում օգտվել։ Ճիշտ է, մերոնք այս կողմում են կանգնած, իրենք՝ այն, բայց դե, մեր տարածքում են», — հավելեց Վարո Գրիգորյանը։ Միաժամանակ նա ընդգծեց, որ Խոզնավարը, Գորիսը խմելու ջուր ստանում են հենց Սև լճից։ «Բարձունքում Սև լիճն է, միակ լիճն է, որտեղից ջուրը հասնում է մեզ, այնտեղից են աղբյուրները կառուցվում», — եզրափակեց նա։ Հիշեցնենք՝ մայիսի 12-ին թշնամին խախտելով հայ-ադրբեջանական սահմանը՝ մի քանի կիլոմետր Սյունիքի, Գեղարքունիքի մարզերի հատվածներում առաջ է եկել, մինչ օրս նրանք առաջ եկած հատվածներում են և հետ չեն գնում։ Սյունիքում մի քանի անգամ անցկացվել են բանակցություններ, որպեսզի թշնամին հետ գնա, սակայն ապարդյուն։

Հարակից գյուղերի ղեկավարներն ու բնակիչներն ասում են, որ թշնամու զինվորներն ինչ-որ քարտեզներով են առաջ եկել, և պնդում են, թե վերադասից հրաման են ստացել, որ առաջ գան, քանի որ համարում են, որ այդ տարածքներն ադրբեջանական են։ Հիշեցնենք նաև՝ Արցախի 44-օրյա պատերազմից հետո, երբ Նիկոլ Փաշինյանը ստորագրեց Արցախի 75 տոկոսը հանձնելու փաստաթուղթը, որտեղ որևէ կետ ներառված չէր հայ-ադրբեջանական սահմանի վերաբերյալ, Փաշինյանի և Պաշտպանության նախարարի լուռ համաձայնությամբ թշնամուն հանձնվեցին նաև Սյունիքի և Գեղարքունիքի մարզերի բոլոր շահեկան դիրքերը, որի արդյունքում մի շարք գյուղեր պարզապես հայտնվեցին թշնամու թիրախում։

Աղբյուրը https://norpaster.ru/2021/09/09/%d5%ad%d5%b8%d5%a6%d5%b6%d5%a1%d5%be%d5%a1%d6%80%d5%ab-%d5%a3%d5%b5%d5%b8%d6%82%d5%b2%d5%a1%d5%ba%d5%a5%d5%bf%d5%a8-%d6%84%d5%ab%d5%b9-%d5%a1%d5%bc%d5%a1%d5%bb-%d5%b0%d5%a1%d5%b5%d5%bf%d5%a1%d6%80/?fbclid=IwAR1RNRTNHOSYh7-bQMckAlViO_P9r-2LUOhRstWKn-Bg9Q2MsBxxbUPYtFM

Leave a Reply

Your email address will not be published. Required fields are marked *